اسلام آباد (این این آئی) وفاقی وزیر پارلیمانی امور علی محمد خان نے کہا ہے کہ وفاقی حکومت نے 6 اداروں کی نجکاری کرنے کا فیصلہ کیا ہے۔قومی اسمبلی میں ایک سوال پر وفاقی وزیر علی محمد خان نے بتایا کہ آر ایل این جی، دو بینکوں،جناح کنونشن سینٹر،کول پاور پراجیکٹ لاکھڑا کی نجکاری ہوگی۔ انہوں نے بتایا کہ ماڑی پٹرولیم کے
کچھ شیئرز کی بھی نجکاری کی جائے گی۔ انہوں نے بتایا کہ پی پی ایل کے شیئرز ن لیگ کے دور میں ہی پرائیویٹائزکردیئے گئے تھے۔ علی محمد خان نے بتایا کہ لاہور کے سروسز ہسپتال کی بھی نجکاری کی جارہی ہے۔انہوں نے کہا کہ سٹیل ملز کی نجکاری نہیں کریں گے بلکہ اسٹیل ملز کے خسارے کو کم کرنے کی کوشش کررہے ہیں۔
