لاہور(این این آئی)نامور اداکارہ مہوش حیات نے کہا ہے کہ اپنی آنے والی فلم ’’ چھلاوا ‘‘ سے بہت امیدیں وابستہ ہیں ،فلم میں کام کرنے والے تمام فنکاروں نے اپنے کردار کے ساتھ انصاف کیا ہے ، میں سمجھتی ہو ں کہ سرکاری اعزاز ملنے اور حاسدین کی تنقید کے بعد مجھے پہلے سے بہتر کام کرنا ہے او رکوشش ہوتی ہے کہ کوئی کمی کوتاہی نہ رہ جائے ۔ ایک انٹر ویو میں مہوش حیات نے کہا کہ میں کئی بار سوچتی ہوں کہ نا جانے لوگو ں کے پاس دوسروں کی برائیاں کرنے اور ان سے

حسد کیلئے وقت کہاں سے آ جاتا ہے ۔ ۔اگر یہ لوگ اپنے اس عمل کے نتائج دیکھیں تو انہیں کچھ حاصل نہیں ہوتا بلکہ ان کی شخصیت کا منفی پہلو کھل کر سامنے آ جاتا ہے ۔ مہوش حیات نے کہا کہ فلم ’’ چھلاوا ‘‘ میں بہترین اداکاری کی ہے اور مجھے قوی امید ہے کہ میرے پرستاروں کو میر اکردار ضرور پسند آئے گا جومدتوں ان کے ذہنوں پر نقش رہے گا۔ فلم کے تمام فنکاروں نے ایک ٹیم کے طور پر زبردست کام کیا ہے اور ہمیں اس پراجیکٹ کی کامیابی سے بے پناہ امیدیں وابستہ ہیں۔