لاہو ر(این این آئی) وزیراعلیٰ پنجاب عثمان بزدار نے کہا ہے کہ پی ٹی آئی کے کسی گروپ سے کوئی تعلق نہیں ہے، میں صرف تحریک انصاف کا حصہ ہوں۔لاہور میں میڈیا سے گفتگو کرتے ہوئے وزیر اعلی پنجاب عثمان بزدار کا کہنا تھا کہ نیب نے مجھے بلایا تو ضرور جاؤں گا۔وزیراعظم عمران خان کی جانب سے بلاول بھٹو کو صاحبہ کہنے کے سوال پر وزیر اعلی کا کہنا تھا کہ مجھے سمجھ نہیں آتا کہ
اس پر کیا کہوں۔نیب نے وزیراعلی پنجاب کی مبینہ کرپشن کیخلاف تحقیقات شروع کر دیں۔تحریک انصاف میں جہانگیر ترین اور شاہ محمود قریشی دھڑوں سے متعلق سوال پر عثمان بزدار کا کہنا تھا کہ میرا تعلق پی ٹی آئی کے کسی گروپ سے نہیں، تحریک انصاف کا حصہ ہوں۔ان کا کہنا تھا کہ گورنر پنجاب چوہدری سرور کی جانب سے دیئے گئے عشائیے میں ہم سب جائیں گے۔
