سکردو(نیوزڈیسک)تحریک انصاف کے چیئرمین عمران خان نے کہاہے کہ بلدیاتی انتخابات سے خیبر پختون خوا میں انقلاب آئےگا . بے نظیرانکم سپورٹ پروگرام کے کارڈ سے لوگوں کے ضمیر خریدنے کی کوشش کی جارہی ہے . عوام غلط لوگوں کووٹ دیکر اپنا نقصان نہ کریں . پاک چین اقتصادی راہداری سے خیبرپختونخوا کو بہت فائدہ ہوگا .خیبرپختونخوا میں ڈیم بنانے اور سڑکوں کے نظام میں بہتری کے لئے کام کریں گے
. بلتستان کے عوام کو آئینی حقوق ہم دلائیں گے۔بلدیاتی انتخابات کے سلسلے میں جلسے سے خطاب کرتے ہوئے عمران خان نے کہاکہ بے نظیرانکم سپورٹ پروگرام کے کارڈ سے لوگوں کے ضمیر خریدنے کی کوشش کی جارہی ہے لیکن عوام سے اپیل ہے کہ وہ بے نظیر کارڈ ضرور لیں لیکن غلط لوگوں کو ووٹ دے کر اپنا نقصان نہ کریں بلکہ سچ اور حق کے لئے کھڑے ہوتے ہوئے نظریئے کو ووٹ دیں۔ انہوں نے کہا کہ پاک چین اقتصادی راہداری سے خیبرپختونخوا کو بہت فائدہ ہوگا، آنے والے دنوں میں گلگت بلتستان کے حالات بدلنے والے ہیں اور خیبر پختونخوا میں بلدیاتی الیکشن سے انقلاب آئے گا اور مجھے پورا یقین ہے اسی سال انتخابات ہوں گے۔چیرمین تحریک انصاف نے کہا کہ خیبر پختونخوا میں پولیس کے محکمے میں کوئی سیاست دان سفارش نہیں کرسکتا اور اس میں ایک بھرتی بھی بوگس ثابت نہیں ہوسکتی لیکن دیگر صوبوں کی پولیس سیاسی ہے جب کہ خادم اعلی پنجاب پولیس کے ذریعے لوگوں کی جانیں لیتے ہیں۔ انہوں نے کہا کہ خیبرپختونخوا میں ڈیم بنانے اور سڑکوں کے نظام میں بہتری کے لئے کام کریں گے اور پشاور کی طرح گلت بلتستان میں بھی شوکت خانم اسپتال بنائیں گے۔پاکستان تحریک انصاف کے چیئرمین عمران خان نے کہا ہے کہ جوڈیشل کمیشن میں جو معاملات چل رہے ہیں۔ اس سے معلوم ہوتا ہے کہ اسی سال دوبارہ انتخابات ہوں گے۔حکمران سرمایہ کاری کے لئے دوسروں سے بھیگ مانگتے ہیں اور اپنے پیسے ملک سے باہر چھپا رکھتے ہیں۔عمران خان نے کہا کہ اصلی جمہوریت میں اقتدار عوام کو منتقل ہوتا ہے۔ خیبر پختون خوا میں بلدیاتی انتخابات ہو رہے ہیں، دیگر صوبوں کے عوام حکمرانوں سے سوال کریں کہ بلدیاتی انتخابات کیوں نہیں کرائے جارہے۔ بلتستان کے عوام کو آئینی حقوق ہم دلائیں گے عمران خان نے کہاکہ آصف علی زرداری اور نواز شریف کے اربوں روپے ملک سے باہر بینکوں میں موجود ہیں۔ جب تک عوام حکمران کا احتساب نہیں کریں گے حقیقی جمہوریت نہیں آسکتی