لاہور(این این آئی)اداکارہ مہک نو ر نے ماہ رمضان المبارک میں تھیٹر سے مکمل کنارہ کشی کا اعلان کر دیا ۔ اداکارہ نے گفتگو کرتے ہوئے کہا کہ رمضان المبارک فضیلتوں اور برکتوں والا مہینہ ہے اور ہمیں اس میں خوب نیکیاں سمیٹنی چاہئیں ۔ہم گیارہ مہینے کام کرتے ہیں۔
اگر ایک ماہ ہم اس مہینے کی فضیلت سے بھرپور استفادہ کر لیں تو یہ گھاٹے کا سودا نہیں ۔ اداکارہ نے کہا کہ میں رمضان المبارک میں کسی بھی اسٹیج ڈرامے کا معاہدہ نہیں کروں گی اور عید الفطر پر پیش کئے جانے والے اسٹیج ڈراموں سے دوبارہ سرگرمیوں کا آغاز کروں گی۔
