اسلام آباد( آن لائن)تحریک انصاف کے سینئر رہنماجہانگیر ترین نے فرحان ورک کی جانب سے سابق وزیر خزانہ اسد عمر کی کردار کشی کی شدید الفاظ میں مذمت کرتے ہوئے کہا ہے کہ اسدعمراورمیں نے 8سال سٹیٹس کوکیخلاف جدوجہد کی،آج بھی اسدعمرکی جدوجہد کو احترام کی نگاہ سے دیکھتاہوں۔اتوار کو سماجی رابطے کی ویب سائٹ ٹوئٹر پر اپنے ایک بیان میں سینئر رہنما پاکستان تحریک انصاف جہانگیر ترین نے پی ٹی آئی
کارکن فرحان ورک کی جانب سے سابق وزیر خزانہ اسد عمر کی کردارکشی کی مذمت کرتے ہوئے کہا کہ کابینہ سے جانے کے باوجوداسدعمرکاپی ٹی آئی میں اہم مقام ہے،اسدعمرکامقام پی ٹی آئی میں آئندہ بھی قائم رہے گا،انہوں نے کہا کہ پوری پارٹی اسدعمرکے کردار کوقدرکی نگاہ سے دیکھتی ہے۔انہوں نے مزید کہا کہ اسدعمر اورمیں نے 8سال سٹیٹس کوکیخلاف جدوجہدکی،آج بھی اسدعمرکی جدوجہدکو احترام کی نگاہ سے دیکھتاہوں۔
