اسلام آباد (نیوز ڈیسک )برطانیہ میں روایتی چیز رولنگ ریس کا انعقاد کیا گیا ،سینکڑوں شرکاء چیز کے تعاقب میں قلابازیاں کھاتے رہے۔یوں تو دنیا میں کروڑوں لوگوں کو پنیر کھانا اچھا لگتا ہوگا ،لیکن پنیر کا ایک ڈبہ حاصل کرنے کیلئے اتنی سخت محنت اور جدوجہد تو شاید ہی کسی نے کی ہو۔جی ہاں برطانیہ کی کاوﺅنٹی گلوسٹر شائر (Gloucestershire) میں ہر سال کی طرح اس سال بھی روایتی چیز رولنگ ریس کا انعقاد کیا گیا، جس میں سینکڑوں کی تعداد میں افراد شریک ہوئے۔مقابلے میں شامل شرکاءساڑھے 3کلو چیز سے بھرا ایک ڈبہ حاصل کرنے کیلئے اونچی ڈھلوان سے قلابازیاں کھاتے ہوئے نیچے آتے رہے۔ریس میں جیتنے والے شرکاءکو چیز کے ڈبے کے ساتھ ساتھ دیگر انعامات سے بھی نوازا گیا جبکہ اس موقع پر ہزاروں کی تعداد میں تماشائی بھی موجود تھے۔