اسلام آباد (مانیٹرنگ ڈیسک) مائیکرو بلاگنگ ویب سائٹ ٹویٹر پر ایک پوسٹ شیئر کی گئی ہے جس میں ڈی جی آئی ایس پی آر آصف غفور کی دو مختلف تصاویر ہیںاور ساتھ ہی تحریر درج ہے کہ”کوئی تیزاب سے جلتاہے تو کوئی تیل سے جلتا ہے ، پاکستان کا ہر دشمن بوس کے سٹائل سے جلتا ہے ،“۔ یہ پوسٹ میجر جنرل آصف غفور کی نظروں سے گزری تو انہوں نے سوشل میڈیا پر اپنے پرسنل اکائونٹ سے اس کا سکرین شاٹ شیئر کیا اور ساتھ پیغام جاری
کرتے ہوئے لکھا کہ ” یہ کبھی بھی کسی شخص کے بارے نہیں ہونا چاہیے، چاہے وہ جوکوئی بھی ہو ،یہ پاکستان اور اس کے لوگوں کے بارے میں ہونا چاہیے ، فرد واحد کی تعریف اور تذلیل ہمیں کہیں بھی نہ لے جائے گی ، کوئی بھی فرد ادارے سے بالاتر نہیں ہے اور کوئی بھی ادارہ پاکستان سے اوپر نہیں ہے ، یہ وہ طریقہ ہے جس طرح ہمیں سوشل میڈیا پلیٹ فارمز کو استعمال کرنا چاہیے ۔“واضح رہے کہ آصف غفور پاکستانیوں میں خاصے مقبول ہیں ۔
