لندن(نیو ز ڈیسک ) دنیا بھر میں لوگ شادی پر مختلف رسوم ادا کرتے ہیں اور ہر قوم اور نسل کے لوگ اس رشتہ میں منسلک ہوتے ہیں لیکن ہر ملک میں شادی کی رسومات مختلف طریقے سے ادا کی جاتی ہیں ۔آئیے آپ کو چند عجیب و غریب شادیوں کے باتے میں بتاتے ہیں۔
متبادل دلہن
روس کے کچھ علاقوں میں یہ روایت ہے کہ جب دولہے کے گھر والے دلہن کے گھر جاتے ہیں تو انہیں کچھ پیسے دیتے ہیں اور اگر پیسے کم ہوں تو دلہن والے کسی اور کو (دلہن کی سہیلی)کو شادی کا لباس پہنا کر دولہے کے آگے پیش کردیتے ہیں اور اگر دولہے کو دلہن پسند نہ آئے تووہ مزید پیسے دیتا ہے اور کوئی اور دلہن اسے دکھا دی جاتی ہے اور یہ رسم تب تک جاری رہتی ہے جب تک وہ دلہن کے گھر والوں کی منہ مانگی رقم نہ دے دے اور اپنی دلہن گھر لے جائے۔دیکھنے میں ایسے لگتا ہے کہ کوئی انتہائی لذیذ سوپ ہے لیکن اگر آپ کو اس رسم کے بارے میں بتایا جائے تو آپ کو ابکائی آجائے گی۔فرانس میں جب شادی کی تقریب ختم ہوجاتی ہے تو خاندان کے افراد بچے کھچے کھانے اکٹھے کر کے اسے ٹوائلٹ سیٹ میں ڈال کر دولہا اور دلہن کے پاس لے جاتے ہیں اور تب تک ان کے سر پر کھڑے رہتے ہیں جب تک وہ یہ کھانا کھا نہ لیں۔
دلہن پر تھوکنا
کوریا کے کچھ دیہات میں یہ رسم ہے کہ ودائیگی کے وقت دلہن کا باپ اس کے سر اور چھاتی پر تھوک پھینکتا ہے اور دلہن اس کے بعد اپنے شوہر کے ساتھ گاﺅں چھوڑ جاتی ہے اور پیچھے مڑکر نہیں دیکھتی کہ کہیں پتھر کی نہ ہوجائے۔
دلہن کے بال کاٹنا
لڑکیوں کے لمبے بالوں میں مردوں کے لئے بہت کشش ہوتی ہے لیکن چین میں یہ رواج بالکل الٹ ہے۔چین میں شادی سے قبل دلہن کے سر کے بال اتار دئیے جاتے ہیں اور سمجھا جاتا ہے کہ اس طرح وہ صاف ستھری ہوگئی ہے۔