اسلام آباد(نیوزڈیسک)آپ نے شاید آسمان سے تیزابی بارش کا تو سن رکھا ہوگا لیکن آسٹریلیا کے جنوبی شہر ٹیبل لینڈ میں اس وقت شدید خوف وہراس پھیل گیا جب آسمان سے مکڑیوں کی بارش ہوگئی۔یہی نہیں ان لاکھوں کی تعداد میں مکڑیوں نے ساتھ ہی اپنے جسم سے جالا بھی نکالنا شروع کردیا جس کی وجہ سے ہر گھر،سڑک،عمارت اور غرض ہر جگہ مکڑی کے جالے ہی جالے نظر آنے لگے۔ایک مقامی این واٹسن نے انتہائی خوفزدہ ہوکر اپنے فیس بک پر بتایا کہ ان کے شہر میں لاکھوں کی تعداد میں مکڑیاں آسمان سے برسنے لگیں۔سائنسدان اسے ’مکڑیوں کی بارش‘ کہتے ہیں اور اس کے بارے میں ایک دلچسپ وجہ بتاتے ہیں۔یونیورسٹی آف کیلیفورنیا کے ماہر آثار قدیمہ ریک ویٹر کا کہنا ہے کہ ہمارے اردگرد روزانہ کئی مکڑیاں اس طرح کی حرکتیں کرتی ہیں کہ وہ فضا میں ایک جالا بناتی ہیں اور کسی بلند جگہ سے چھلانگ لگاتی ہیں لیکن ہم اس پر زیادہ توجہ نہیں دیتے لیکن کبھی ایسا بھی ہوتا ہے کہ لاکھوں کی تعداد میں مکڑیاں مل کر یہ حرکت کرتی ہیں۔ان کا کہنا تھا کہ ایسا کبھی کبھار ہی ہوتا ہے۔ایسا ہی کچھ آسٹریلیا میں ہواجہاں لاکھوں کی تعداد میں مکڑیوں کی طرف سے موسم خزاں(آسٹریلیا میں یہ موسم مئی سے اگست تک چلتا ہے)کی آمد پر ایسا رویہ دیکھنے کو ملا۔