لاہور( این این آئی)سابق وزیر اعظم محمد نواز شریف کے علاج کیلئے ہسپتال منتقل ہونے کیلئے راضی نہ ہونے کی صورت میں نیا میڈیکل بورڈ تشکیل دئیے جانے کا امکان ہے جو جیل میں ہی ان کا طبی معائنہ اور علاج کرے گا ۔ ذرائع کے مطابق نواز شریف گزشتہ تجربات کی روشنی میں علاج کیلئے جیل سے ہسپتال
منتقل ہونے کے لئے تیار نہیں ۔ ایسے حالات میں حکومت کی جانب سے پی آئی سی کے ڈاکٹروں پر مشتمل میڈیکل بورڈ بنا کر دوبارہ جیل میں ہی تفصیلی طبی معائنہ اور علاج کرائے جانے کا امکان ہے ۔ یاد رہے کہ اس سے قبل بننے والے میڈیکل بورڈز کی سفارشات میں نواز شریف کی اینجیو گرافی تجویز کی گئی ہے۔
