اسلام آباد (این این آئی) وزیراعظم عمران خان کے ترجمان نے وفاقی وزیر آبی وسائل کے حوالے سے زیر گردش اطلاعات کو بے بنیاد اور حقائق کے منافی قرار دیتے ہوئے وضاحت کی ہے کہ وزیر اعظم نے کوئی نوٹس لیا نہ ہی وفاقی وزیر فیصل واوڈا کو کوئی ہدایات دی گئی ہیں۔ منگل کو ترجمان وزیراعظم کی جانب سے جاری بیان میں
وضاحت کی گئی ہے کہ وفاقی وزیر آبی وسائل کے حوالے سے زیر گردش اطلاعات بالکل بے بنیاد اور حقائق کے منافی ہیں۔ انہوں نے کہا کہ وزیر اعظم نے کوئی نوٹس لیا نہ ہی وفاقی وزیر فیصل واوڈا کو کوئی ہدایات دی گئی ہیں۔ ترجمان وزیراعظم نے کہا کہ غیر ذمہ دارانہ اطلاعات کی ترویج سے گریز کیا جائے۔
