اسلام آباد(مانیٹرنگ ڈیسک)سوئی گیس کی قیمتوں میں کئی گنا اضافہ۔ بل دیکھ شہریوں کے اوسان خطا ہوگئے ۔ 200 سے 300 تک آنے والے بل ماہ فروری میں 2000 سے 3000 روپے آگئے ۔میڈیا رپورٹس کے مطابق ماہ فروری میں سوئی گیس کے بل دیکھ کرعوام حیرا ن و پریشان رہ گئے۔ آج تک شہریوں کے بل 200 سے 300 روپے تک آرہے تھے ۔ لیکن پہلی دفعہ بلوں نے چھلانگ لگائی اور اب اکثریت کے

بل2000 روپے سے اوپر چلے گئے ہیں حکومت نے گیس ریٹ میں چار سو گنا اضافہ کردیا اور ساتھ ہی ٹیکسوں کی بھی بھرمار کردی ہے۔ عوام نے اس پر شدید احتجاج کیا اور کہا کہ یہ انوکھی حکومت ہے جو عوام کے چولہے بھی بندکررہی ہے۔واضح رہے کہ گزشتہ روز وزیر اعظم عمران خان نے اپنے دورہ لاہور میں اس معاملے کا سختی سے نوٹس لیا تھا اوروزیرپٹرولیم کو انکوائری کا حکم بھی دیا تھا۔