اسلام آباد (نیوز ڈیسک)سربراہ تحریک نفاذ فقہ جعفریہ آغا حامد موسوی نے کہاہے کہ ریاست غریب کے حج نہیں اس کی مد و اعانت کر نے کی پابند ہے حج سبسڈی کی اسلام میں کوئی گنجائش نہیں۔ تقریب سے خطاب کرتے ہوئے انہوں نے کہاکہ ہم نے سابق وزیر اعظم بلخ شیر مزاری کی سرکاری خرچ پر حج کی پیشکش اسی لئے ٹھکرا ئی کہ حج صرف استطاعت رکھنے والوں پر واجب ہے۔
آغا حامدموسوی نے کہا کہ سرکاری حج نظریاتی کونسل کو سیاسی رشوتوں کے طور پراستعمال کیا جاتا رہا، حکمرانوں یا سیاستدانوں کے کاسہ لیس نہیں دین و وطن کے وفادار ہیں۔ آغا حامدموسوی نے کہاکہ حکمران غریبوں کے گھر گرانے سے پہلے نئے گھر بنا کر دیں تجاوزات گرانے میں پھرتیاں دکھانے والے کالعدم جماعتوں سے لا تعلق بنے ہوئے ہیں۔
