اسلام آباد (نیوز ڈیسک) حکومت پاکستان نے ویزہ پالیسی میں نرمی کر دی ہے، 175 ملکوں کو اب ای ویزا کی سہولت مہیا ہوگی،وزیراعظم نے فارن آفس کو ریسیپروکل ویزہ فیس ختم کرنے کی ہدایت بھی کر دی ہے، 50ممالک کے لئے آن ارائیول ویزا، 175ممالک کے لئے آن لائن ویزا اور 68ممالک کو بزنس ویزا جاری کیا جائے گا۔ حکومت کی جانب سے یہ اقدام سیاحت،

بزنس اور سرمایہ کاری کے فروغ کے لیے کیا گیا ہے، حکومتی ویزہ پالیسی کے مطابق حکومت نے تبلیغی ویزہ پر بھی نظرثانی کی ہے، تبلیغ کے لیے پاکستان کا ویزہ 45 دن کا دیا جائے گا دوسری جانب مشنری یعنی عیسائی اور دوسرے مذاہب کے افراد کے لیے ویزہ کی مدت ایک سال رکھی گئی ہے، نئی ویزہ پالیسی کی منظوری وفاقی کابینہ نے بھی دے دی ہے۔