اسلام آباد (نیوز ڈیسک) مسلم لیگ (ق) کی جانب سے حکومت پر ڈالے گئے پریشر نے کامکر دکھایا، پاکستان تحریک انصاف اور پاکستان مسلم لیگ (ق) کی اعلیٰ قیادت میں ملاقات ہوئی ہے اور اس ملاقات میں تحریک انصاف نے مسلم لیگ ق کو تمام تحفظات دور کروانے کی یقین دہانی کروائی ہے۔ دونوں سیاسی جماعتوں میں تعاون جاری رکھنے اور اتحاد کو مزید مضبوط کرنے پر اتفاق ہوا ہے، اس سلسلے میں تحریک انصاف اور ق لیگ کے درمیان
ایک تحریری معاہدہ طے پا گیا ہے، ذرائع کے مطابق پنجاب یا وفاق میں جلد ہی مسلم لیگ ق کے دو وزیر حلف اٹھائیں گے جب کہ ان وزراء کو اپنے محکموں میں مکمل فری ہینڈ دیا جائے گا۔ مسلم لیگ ق کے ایم این ایز کے حلقوں میں تحریک انصاف کی جانب سے کوئی مداخلت نہیں کی جائے گی اس کے علاوہ مختلف محکموں میں ق لیگ کے لوگوں کوجگہ دی جائے گی۔ ق لیگ کے صوبائی وزیر عماریاسر بھی اپنا استعفیٰ واپس لے لیں گے۔
