اسلام آباد (نیوز ڈیسک) عالمی سرمایہ کاروں نے نئے پاکستان کی جانب رخ کر لیا ہے، موبائل ساز کمپنیوں نوکیا، ہواوے اور سام سنگ نے پاکستان میں اپنے موبائل تیار کرنے کی پیشکش کر دی، میڈیا ذرائع کے مطابق ان موبائل ساز کمپنیوں نے پاکستان میں موبائل کی مینوفیکچرنگ شروع کرنے کی خواہش کا اظہار کیا ہے، اسی کو مدنظر رکھتے ہوئے حکومت نے ایک نئی موبائل فون مینوفیکچرنگ پالیسی تیار کرنے کا فیصلہ کیا ہے، میڈیا ذرائع
کے مطابق موبائل تیار کرنے والی یہ کمپنیاں چین کے مقابلے میں مزدوروں کو کم مزدوری دینے کی وجہ سے پاکستان میں موبائل کی مینوفیکچرنگ کرنا چاہتی ہیں کیونکہ پاکستان میں چین کی نسبت مزدوروں کی تنخواہ کم ہے۔ چین میں ایک غیر معمولی مزدور کی تنخواہ ایک لاکھ پانچ ہزار ہوتی ہے اور ایک ہنر مند مزدور کی تنخواہ چار لاکھ بیس ہزار تک ہوتی ہے اس کے مقابلے میں پاکستانی ہنر مند کم تنخواہ پر دستیاب ہوتے ہیں۔
