اسلام آباد (نیوز ڈیسک) حکومت نے سرکاری ملازمین کو بڑا جھٹکا دیتے ہوئے سرکاری کھانے پر پابندی عائد کردی، تفصیلات کے مطابق وفاقی وزارت خزانہ نے دفاتر میں سرکاری کھانے پر پابندی عائد کر دی ہے، وزرات خزانہ نے احکامات جاری کیے ہیں کہ دفتری اوقات کے بعد اوور ٹائم لگانے والے ملازمین کو سرکاری کھانا نہیں دیا جائے گا۔ وزارت خزانہ نے کھانے کے اخراجات کی سرکاری طور
پر ادائیگی پر پابندی لگا دی ہے، تمام وفاقی وزارتوں، محکموں اور ڈویژنز کو احکامات جاری کر دیے گئے ہیں، اس کے علاوہ تمام صوبائی حکومتوں کو انٹرٹینمنٹ اور تحائف کی مد میں فنڈز سرنڈر کرنے کے احکامات بھی وفاق نے جاری کر دیے ہیں، جاری کیے گئے مراسلے کے مطابق کوئی بھی صوبائی حکومت اب تحائف اور انٹرٹینمنٹ کی مد میں بجٹ مختص نہیں کرے گی۔
