لاہور (وائس آف ایشیا)سی آئی اے پولیس نے کارروائی کرتے ہوئے سسرالیوں کے گھر واردات کرنے والے داماد کو گرفتار کر لیا۔ملزم کے قبضے سے 6 لاکھ 50 ہزاروں اور 11 تولے طلائی زیوارت برآمد کر لیے گئے ہیں۔میڈیا رپورٹس میں بتایا گیا ہے کہ چند ماہ قبل تھانہ سبزی منڈی کے علاقے کنگنی والا کے رہائشی محمد مصطفی کے گھر واردات ہوئی جس میں 7 لاکھ سے زائد نقدی اور 15تولے طلائی زیورات چوری ہو گئے تھے۔پولیس نے واردات کا مقدمہ نامعلوم ملزمان کے خلاف درج
کر کے کاروائی شروع کر دی لیکن ملزمان کا کوئی سراغ نہ مل سکا کیونکہ ملزم محمد مصطفی کا داماد نوید تھا جو کہ واردات کو ٹریس کرنے کے لیے پولیس کے ساتھ ہر طرح کی کاروائی میں بھی شامل رہا۔کیس جب سی آئی اے کے پاس گیا تو ڈی ایس پی سی آئی اے عمران عباس چدھڑ نے ملزم نوید کی تفتیش کی جس پر ملزم نے اپنے جرم کا اعتراف کر لیا۔ڈی ایس پی سی آئی اے کا کہنا تھا کہ ملزم کے قبضے 6لاکھ 50 ہزار روپے نقدی اور 11تولے طلائی زیورات برآمد کر لیے گئے ہیں۔
