گوجرانوالہ (نیوز ڈیسک) ڈی سی آفس میں ایڈیشنل ڈپٹی کمشنر کو دھمکیاں دینے والا وزیراعلیٰ پنجاب کا مبینہ رشتہ دار گرفتار کر لیاگیا، خود کو وزیراعلیٰ کا رشتہ دار ظاہر کرنے والے کے خلاف مقدمہ تھانہ سول لائن میں ڈپٹی کمشنر کے پی اے نواز ورک کی مدعیت میں درج کر لیا گیا ہے، واضح رہے کہ ملزم انجینئر شہباز نے خود کو وزیراعلیٰ پنجاب کا رشتہ دار ظاہر
کرکے دھمکیاں دیں، ملزم شہباز بغیر اجازت کے کمیٹی روم میں اپنی نام نہاد این جی او کی میٹنگ کر رہا تھا، مقدمہ کے مطابق ملزم انجینئر شہباز میٹنگ میں خود ڈی سی کی کرسی پر بیٹھا اور میٹنگ کے شرکا سے چندہ بھی مانگا، جب تمام معاملے کا علم ہوا تو ملزم شہباز سے پوچھا گیا تو اس نے خود کو وزیراعلیٰ عثمان بزدار کا رشتہ دار ظاہر کرکے دھمکیاں دیں۔
