کراچی (این این آئی) مرکزی ترجمان پاکستان پیپلز پارٹی سینیٹر مولابخش چانڈیو نے کہا ہے کہ حکومت نے عام اشیا کے بعد حج کا مقدس سفر بھی مہنگا کر دیاہے ۔مہنگائی کا یہ طوفان حکومت کا بیڑا غرق کر دے گا۔جمعہ کو جاری بیان میں سینیٹر مولا بخش چانڈیو نے کہا کہ دالیں، ادویات، گیس، بجلی مہنگی کرنے کے بعد حرمین کا سفر بھی مہنگا کر دیا گیا ہے۔سلیکٹڈ حکومت عوام سے انتقام لینے پر تلی ہے۔خان صاحب کہتے ہیں انہیں پانچ ماہ بعد مشکلات کا اندازہ ہوا ہے۔میرا دعوی ہے کہ انہیں آج بھی سمجھ نہیں آئی کہ ملک کے

حالات کیا ہیں۔عمران خان پانچ سال بعد بھی کہیں گے انہیں کچھ سمجھ نہ آیا۔انہوں نے کہا کہ جو انتخاب لڑ کر حکومت میں آنا چاہتے ہیں وہ پہلے سے تیاری کرتے ہیں۔مشرف کی کابینہ کو ساتھ ملانے کے علاوہ عمران خان نے کوئی تیاری نہیں کی تھی۔تیاری اپنی نہیں تھی اور مہنگائی کے بم عوام پر گرائے جا رہے ہیں