راولپنڈی (آن لائن)توہین رسالت کیس میں بری ہونے والی آسیہ مسیح کے خلاف نظر ثانی کی اپیل مسترد ہونے کے بعد تحریک لبیک پاکستان سمیت مذہبی جماعتوں کے ممکنہ احتجاج اور ہنگامہ آرائی کے سد باب کے لئے بدھ کے روز بھی راولپنڈی میں ہائی الرٹ رہا ۔اس موقع پر فیض آباد فلائی اوور پر رینجرز اور پولیس کی بھاری نفری تعینات کرنے کے لئے شہر کے اہم مقامات اور چوراہوں سمیت داخلی راستوں پر بھیء اضافی نفری تعینات کی گئی تھی

اس موقع پر مختلف مقامات پر جزوی احتجاج کی کوشش میں گزشتہ24گھنٹوں کے دوران راولپنڈی ریجن سے مجموعی طور پہر55افراد کو حراست میں لے کر17افراد کے خلاف سڑک بلاک کرنے کے الزام میں مقدمہ درج کیا گیا۔ پولیس کے مطابق راولپنڈی ریجن میں مجموعی طور پر 55 افراد کوحراست میں لیا گیاجن میں راولپنڈی سے 17،اٹک سے 20،چکوال سے 4 جبکہ جہلم سے 14 افراد کو حراست میں لیا گیا۔