لاہور (این این آئی)معروف گلوکارہ حمیرا ارشد نے کہا ہے کہ آج پرانے گانوں کو نئے انداز میں ریمیکس کر کے زیادہ خوبصورت انداز میں پیش کیا جا رہا ہے ،اب سینئر گلوکاروں کی بجائے نئے گلوکاروں کو زیادہ مواقع دیئے جا رہے ہیں ۔انہوں نے ایک انٹرویو کے دوران کہاکہ سوشل میڈیا کے آنے سے گلوکاروں کی سی ڈی کی ڈیمانڈ ختم ہو چکی ہے ۔پہلے کوئی گلوکار اپنی سی ڈی پر دس لاکھ سے ایک کروڑ روپے خرچ کر دیتے تھے مگر اب سوشل میڈیا نے سارا نظام تبدیل کر دیا ہے اور نوجوان

گلوکار اپنی ویڈیو بناتے ہیں اور سوشل میڈیا پر اپ لوڈ کر دیتے ہیں اب تو کیمرے کی نسبت موبائل فون سے اچھی ویڈیو بن جاتی ہے ۔انہوں نے کہاکہ سینئر گلوکار بے روزگاری کے عالم میں فارغ گھر بیٹھے ہیں میں ارباب اختیار سے اپیل کرتی ہوں کہ وہ شادی تقریبات کا وقت 12بجے تک کرنے کے ساتھ ساؤنڈ ایکٹ بھی ختم کر دیں کیونکہ گلوکاروں کی آمدنی کا واحد ذریعہ شادی بیاہ اور دیگر تقریبات ہیں مگر ان پر بھی ایسی پابندیاں لگا دی گئی ہیں کہ اس سے گلوکار فاقوں کی حد تک چلا گیا ہے ۔

موضوعات:حمیرا ارشد