اسلام آباد (نیوز ڈیسک) نارووال سپورٹس سٹی منصوبے میں کرپشن کے مزید ثبوت ایف آئی اے کی جے آئی ٹی کو مل گئے ہیں، ایک موقر قومی اخبار نے اپنی رپورٹ میں لکھا کہ ان ثبوتوں کی روشنی میں آئندہ چند روز میں پاکستان سپورٹس بورڈ کے اعلیٰ افسر اظہار احمد سمیت کئی افسران کی گرفتاری کا امکان ہے،

اظہار احمد کا نام نارووال سپورٹس سٹی منصوبہ کی ایف آئی آر میں بھی درج ہے، اظہار احمد اور دیگر افسران کی گرفتاری کے بعد اس منصوبے کے خالق سابق وزیر داخلہ احسن اقبال، سابق وزیر بین الصوبائی رابطہ ریاض حسین پیرزادہ کی گرفتاری کی راہ بھی ہموار ہو جائے گی، رپورٹ کے مطابق وزیراعظم عمران خان نے نارووال سپورٹس سٹی منصوبے کی تعمیر میں حائل رکاوٹ اور مبینہ مالی کرپشن کے حوالے سے رپورٹ مانگ لی ہے، وزیر بین الصوبائی رابطہ ڈاکٹر فہمیدہ مرزا کی ہدایت پر سیکرٹری آئی پی سی جمیل احمد نے نارووال سپورٹس سٹی منصوبے کا خود دورہ کرکے میٹریل اور دیگر معاملات کو خود چیک کیا، جمیل احمد اپنی رپورٹ چند روز ڈاکٹر فہمیدہ مرزا کو پیش کریں گے، ذرائع کا یہ بھی کہنا ہے کہ 2009ء سے شروع یہ منصوبہ سات ارب روپے خرچ ہونے کے باوجود تاحال نامکمل ہے، اس منصوبے کے ویری ایشن آرڈر، پی سی ون میں تبدیلی، ٹھیکیداروں کو ادائیگی اور ان کے بینک اکاؤنٹس کی تفصیلات بھی حاصل کر لی گئی ہیں، رپورٹ میں یہ بھی بتایا گیا کہ جب نارووال سپورٹس سٹی منصوبہ شروع کیا گیا تو اس کی تخمینہ لاگت دو ارب نوے کروڑ تھی۔  اظہار احمد اور دیگر افسران کی گرفتاری کے بعد اس منصوبے کے خالق سابق وزیر داخلہ احسن اقبال، سابق وزیر بین الصوبائی رابطہ ریاض حسین پیرزادہ کی گرفتاری کی راہ بھی ہموار ہو جائے گی