کراچی(آئی این پی ) پاکستان پیپلز پارٹی کے رہنما لطیف کھوسہ نے کہا ہے کہ امریکا میں فلیٹ آصف زرداری کئی سال پہلے بیچ چکے ہیں، جھوٹا الزام لگانے پر پی ٹی آئی کو نوٹس بھجیں گے، حکومت کا ایجنڈا سب کو اندر کرنا ہے۔ میڈیا سے گفتگو کرتے ہوئے پیپلزپارٹی کے رہنما لطیف کھوسہ نی کہا کہ نوکریاں دینے کے بجائے عوام سے روزگار چھینا جا رہا ہے، 50 لاکھ گھر بنانے کے بجائے گرائے جا رہے ہیں۔ انہوں نے کہا امریکا میں پراپرٹی 20 سال پہلے فروخت ہوگئی تھی، امریکا میں پراپرٹی
تو آصف زرداری کے نام ہی نہیں، آج تاریخ ہم نے نہیں، پراسیکیوشن لی، حکومت کا ایک ہی ایجنڈا ہے کہ سب کو جیل میں ڈالو۔واضح رہے کہ پی ٹی آئی کے سندھ اسمبلی کے رکن خرم شیر زمان نے گزشتہ روز الیکشن کمشن سندھ میں زرداری کے اثاثے چھپانے کے حوالے سے ایک درخواست دائر کی تھی جس میں ان کو نا اہل قراردینے کی استدعا کی گئی تھی جس پر صوبائی الیکشن کمیشن نے درخواست وصول کرنے سے انکار کرتے ہوئے وفاقی الیکشن کمیشن سے رابطہ کرنے کی ہدایت کی تھی
