خواتین وحضرات ۔۔ کسی صاحب نے کسی صاحب کو دعوت دی آپ شام کو گھر تشریف لائیں جو دال ساگ پکا ہو گا مل کر کھائیں گے‘ وہ صاحب شام کو اپنے سات آٹھ سال کے بیٹے کو ساتھ لے کر (اس) کے گھر پہنچ گئے‘ میزبان نے واقعی دال اور ساگ پکایا ہوا تھا‘ (اس) نے یہ (ان)کے سامنے رکھ دیا‘ کھانا شروع ہوا تو بچے کیلئے ساگ اور دال کھانا مشکل ہو گیا چنانچہ (اس) نے ہاتھ کھینچ لیا‘ میزبان نے بچے کو کھانے پر مجبور کرنے کیلئے لاڈ سے کہا ’’کھالو‘ کھا لو

ورنہ میں تمہاری ٹانگیں توڑ دوں گا‘‘ بچہ یہ (سن) کر بھی کھانا کھانے کیلئے تیار نہ ہوا‘ بچے کے والد نے دال ساگ کی طرف اشارہ کیا اور کہا ’’بیٹا آپ ۔۔ان کی بات مان لو یہ جو کہتے ہیں وہ کرتے بھی ہیں‘‘ ہماری حکومت میں وزیراعظم اور شیخ رشید دو ایسی روحانی شخصیات موجود ہیں یہ جو ۔۔جو کچھ کہتی ہیں وہ کچھ دن بعد (ہو بہو) ہو جاتا ہے‘ آپ کو یاد ہو گا عمران خان اور شیخ رشید نے چند دن پہلے کہا تھا وہ ہی ہوا۔ آپ ۔۔ان دونوں کی سیاسی بصیرت دیکھ لیجئے‘ آج خواجہ برادران ہائی کورٹ لاہور سے گرفتار ہو گئے‘ حمزہ شہباز کو لاہور ائیر پورٹ سے ملک سے باہر جانے سے روک دیا گیا‘ ۔۔ان کا پاسپورٹ بھی ایف آئی اے نے ضبط کر لیا اور مریم اورنگزیب کے اثاثوں کی چھان بین بھی شروع ہو گئی‘ نیب نے بلاول بھٹو کو بھی 13 دسمبرکو طلب کر رکھا ہے‘ پاکستان تحریک انصاف کے وزیراعلیٰ محمود خان‘ سینئر وزیر عاطف خان اور سینیٹر محسن عزیز بھی17 اور 14 دسمبر کونیب کے سامنے پیش ہوں گے‘ یہ گرفتاریاں‘ یہ نوٹس اور یہ تفتیش وزیراعظم اور شیخ رشید کی سیاسی اور روحانی بصیرت کا کمال ہے‘ ۔۔ ان دونوں نے پہلے ہی فرما دیا تھا‘ اپوزیشن کو چاہیے یہ اب ماضی کو بھول جائے‘ جو ہونا تھا ہو گیا ‘۔۔انہیں۔۔اس پر زیادہ پریشان نہیں ہونا چاہیے۔۔اسے حکومت میں شامل ایک اور روحانی شخصیت فواد چودھری کی ۔۔

اس پیشن گوئی پر پریشان ہو نا چاہیے کہ’’ نواز شریف اور زرداری اپنا آخری الیکشن لڑ چکے‘‘کیا واقعی میاں نواز شریف اور آصف علی زرداری آخری الیکشن لڑ چکے ہیں‘ ۔۔ان کا سیاسی کیریئر ختم ہو چکا ہے اور اب انہوں نے صرف یہ فیصلہ کرنا ہے ۔۔ان کی آخری زندگی گھر میں گزرے گی یا جیل میں‘ یہ ہمارا آج کا ایشو ہوگا اور کیا واقعی حکومت کے راستے میں اب کوئی اپوزیشن نہیں‘ ہم یہ بھی ڈسکس کریں گے ہمارے ساتھ رہیے گا۔