اسلام آباد(مانیٹرنگ ڈیسک)پنجاب حکومت کی جانب سے 60 نئے لاء افسران کی تقرری کا نوٹیفیکیشن جاری کر دیا گیا، وفاقی وزیر اطلاعات فواد چوہدری کے بھائی چوہدری فیصل فرید بھی نئے ایڈیشنل ایڈوکیٹ جنرلز میں شامل ۔نجی ٹی وی کے مطابق حکومت پنجاب نے شہباز شریف دور کے 59 ایڈووکیٹ جنرلز فارغ کرتے ہوئے 60 نئے افسران کی تقرری کے احکامات جاری کر دیے ہیں۔شہباز شریف دور کے 18 ایڈیشنل جبکہ 41 اسسٹنٹ ایڈووکیٹ جنرلز فارغ کیا گیا ہے ۔
نئے 16 ایڈیشنل ایڈوکیٹ جنرلز میں وفاقی وزیر اطلاعات فواد چوہدری کے بھائی چوہدری فیصل فرید بھی شامل ہیں ۔ذرائع کے مطابق دیگر لاء افسران میں آصف چیمہ، واجد گیلانی، زمان خان ، سلیم مرتضی، مشتاق احمد، بشیر چیمہ ، ظفر حسین، شاداب جعفری ، اختر جاوید،شعیب ظفر، صبغت اللہ، عدیل عقیل، شوکت روف، رمضان خالد اور ملک عزیز شامل ہیں۔یاد رہے کہ وفاقی وزیر اطلاعات فواد چوہدری کے بھائی فیصل فرید سنگین غداری کیس میں سابق صدر پرویز مشرف کے وکیل بھی تھے۔
