پشاور(نیوزڈیسک)وزیر اطلاعات خیبر پختونخوا مشتاق غنی نے 30 مئی تک پی ٹی آئی کے تمام جلسے منسوخ کرنے کا اعلان کرتے ہوئے کہا ہے کہ تحریک انصاف کی قیادت پر بلدیاتی انتخابات پر اثر انداز ہونے کا تاثر غلط ہے۔ تحریک انصاف کے رابطہ عوام مہم سے مخالفین نے یہ تاثر لے لیا کہ عمران خان اپنے پارٹی امیدواروںکے لئے بلدیاتی الیکشن کی مہم چلارہے ہیں۔ مخالفین کے پروپیگنڈے کے بعد تحریک انصاف عمران خان کی ہدایات پر تمام جلسے منسوخ کردیئے۔پشاورپریس کلب مےں پریس کانفرنس کرتے ہوئے وزیراطلاعات مشتاق غنی نے کہا کہ کوئی حکومتی عہدیدار رکن اسمبلی یاوزیرانتخابی جلسے میں شرکت اورخطاب نہیں کریںگے،انتخابات تک کسی بھی نئی سکیم کااعلان حکومت کی جانب سے نہیں کیاجائیگا،انہوںنے الیکشن کمیشن نے نوٹس دیا ہے تاہم میں نے کسی جلسے میں شرکت نہیں کی۔انہوںنے کہا کہ مسلم لیگ ن کے اراکین جلسوں اورریلیوں میں مسلسل شرکت کررہے ہیں ۔انہوں نے صوبے کی ترقی کےلئے دوسالوں میں کئی اقدامات اٹھائے ہیں ،کرپشن جوایک لعنت ہے اور کرپشن کی وجہ سے ہمارا صوبہ بدنام ہوا تھا ہم نے تمام اداروں سے کرپشن کاخاتمہ یقینی بنایا ۔ایک سوال کے جواب میں انہوںنے کہا کہ بلدیاتی انتخابات کے موقع پر نئی سکمیں شروع نہیں کررہے ہیں تاہم بعض سکیمون کی منظوری کئی ماہ پہلے ہوچکی ہے انہوںنے کہا کہ سرکاری محکموں میں ایک فائل وزیراعلی تک پہنچے میں کئی مہینے لگتے ہیں اورکئی سیکرٹریز سے گرزنے کی وجہ سے وقت لگتا ہے ۔انہوںنے کہا کہ صوبے میں جہاں کہیں بھی سرکاری افسران کام نہیں کرتے انہےں صوبہ بدرکیاجائیگا،۔ایک سوال کے جواب میں انہوںنے کہا کہ بہترہوتا کہ بلدیاتی انتخابات مرحلہ وار ہوتے تاہم اب یہ کام مشکل ہوگیا ہے۔