پال ایلنگ پاکستان میں امریکا کے پہلے سفیر تھے‘ یہ قائداعظم سے ملاقات کیلئے آئے تو انہوں نے قائد سے پوچھا آپ فیوچر میں انڈیا کے ساتھ کس قسم کے تعلقات رکھنا چاہتے ہیں‘ قائداعظم نے جواب دیا‘ میں پاکستان اور ہندوستان کے تعلقات ویسے دیکھنا چاہتا ہوں جیسے امریکا اور کینیڈا کے درمیان ہیں۔

یہ ہے انڈیا کے بارے میں پاکستان کی فارن پالیسی لیکن پاکستان نے جب بھی انڈیا کے ساتھ اس فارن پالیسی کے تحت ریلیشن ڈویلپ کرنے کی کوشش کی جو اب میں ہمیں ہمیشہ یہ ردعمل ملا ، پاکستان نے آج 70 سال کی تاریخ میں بہت بڑا اینی شیٹو لیا‘ وزیراعظم نے کرتار پور راہ داری کا سنگ بنیاد رکھ دیا، اس ایک اینی شیٹو نے بارہ کروڑ سکھوں کیلئے باباگرونانک مہاراج کی سمادھی کی زیارت بھی ممکن بنا دی اور 400 سو کلومیٹر کا فاصلہ چار کلو میٹر میں بھی تبدیل کر دیا‘ اس اینی شیٹو پر دورد عمل سامنے آئے‘ ہندوستان کے سکھوں کی آنکھوں میں خوشی کے آنسو آ گئے ، یہ پہلا رد عمل تھا‘ یہ فطری ہے جبکہ دوسرا رد عمل ناقابل فہم ہے‘ بھارتی حکومت پاکستان کا شکریہ ادا کرنے کی بجائے یہ مزید پہاڑ پر چڑھ گئی، آپ دیکھئے بھارت میں ایک قدم پر دو رد عمل سامنے آئے‘ بھارت کے شہری سکھ خوش ہیں لیکن بھارت کی سرکار ناراض ہے‘ کیا ہم اس ردعمل کو سکھ کمیونٹی اور سرکار کے درمیان اختلاف سمجھیں‘ دوسرا وزیراعظم نے بھارت کو کھل کر مذاکرات کی دعوت دے دی، پیغام بہت واضح ہے اور یہ پیغام منہ سے بول رہا ہے اگر انڈیا چاہے تو عمران خان کشمیر کا مسئلہ حل کر سکتے ہیں‘ اگر انڈیا یہ سنہری پیش کش بھی قبول نہیں کرتا تو پھر جنگ کے علاوہ کوئی آپشن نہیں بچے گا‘ انڈیا کا رد عمل کیا ہوگا اور کیا پاکستانی بھی کرتار پور کوریڈور پر اتنے ہی خوش ہیں جتنے دنیا بھر کے سکھ‘ یہ دونوں نقطے ہمارے آج کے پروگرام کا ایشو ہوں گے‘ ہمارے ساتھ رہیے گا۔