کراچی (این این آئی)صبا خالد کی کاوش ’دی الٹی میٹ سروائیور‘ کو اے آئی کی امپاورنگ فیوچر کیٹیگری میں نامزد کیا گیا تھا جس نے برٹش اکیڈمی آف فلمز ایوارڈز میں گلوبل سسٹین ایبلیٹی ایوارڈ حاصل کرلیا۔’دی الٹی میٹ سروائیور‘ نامی پاکستانی اینیمیٹڈ فلم خواتین کو آگاہی

دینے کے مقصد کے تحت بنائی گئی ہے, جس کی مرکزی کردار راجی ترقی پذیر ممالک میں جنسی اور تولیدی صحت سے متعلق مختلف مفروضوں،ممنوع موضوعات اور الجھنوں کو حل کرتی ہیں۔اپنے ایک انٹرویو میں صبا خالد کا کہنا تھا کہ ’ ہماری ٹیم بہت پْرجوش ہے ، یہ اس بات کا ثبوت ہے کہ ہمارے نقطہ نظر کو مقامی اور عالمی حمایت حاصل ہے۔انہوں نے کہا کہ ’ ہم صحت، حفاظت سے متعلق خیالات کو مصنوعی ذہانت اور اینیمیشن کے ذریعے جاری رکھیں گے‘۔اے آئی کاروبار اور معاشرے میں عالمی بنیاد پر انقلاب لانے کے لیے کوشاں ہے اور پہلی مرتبہ یہ اعزاز ان کاروبار کو دیا گیا ہے جو اے آئی ٹیکنالوجی کی طاقت کے ذریعے تنظیمی کی سماجی اور ماحولیاتی کی بہتری کے لیے کوشاں ہے۔ٹی وی ای گلوبل سسٹین ایبلٹی ایوارڈز کمپنیوں اور اداروں کے لیے ایک فلمی مقابلہ ہے جو ان کی پہچان کے لیے ہے جو مسائل کے حل کی عکاسی کرتے ہیں۔مقابلے کا آغاز 11 مئی کو ہوا تھا اور 26 نومبر کو لندن میں برٹش اکیڈمی آف فلمز ایوارڈز کی تقریب کے ساتھ اختتام پذیر ہوا۔مقابلے میں شامل کٹیگریز اقوام متحدہ کے ترقیاتی مقاصد پر مبنی تھیں جن میں غربت اور بھوک کا خاتمہ، اچھی صحت کو یقینی بنانا، بہتر تعلیم اور صنفی برابری، سستی اور صاف توانائی کے لیے اہداف قائم کرنا، ماحولیاتی کارکردگی اور پیداوار کا ذمہ دارانہ استعمال شامل تھا۔