اسلام آباد (مانیٹرنگ ڈیسک)نارووال کے نجی کلینک میں خاتون نے عجیب الخلقت بچے کو جنم دیدیا، ورثا بچے کو چھوڑ کر غائب ہو گئے۔ تفصیلات کے مطابق نارووال کے نجی کلینک میں دو روز قبل خاتون نے ایک عجیب الخلقت بچے کو جنم دیا ہے ۔ ڈاکٹرز کے مطابق بچہ ابنارمل اور پیچیدہ بیماری میں مبتلا ہے جبکہ نو مولود بچے کے جسم پر کٹ لگنے کے نشانات موجود ہیں۔ بچے کے
منہ کا سائز بڑا ہے اور 2دانت بھی موجود ہے۔ نومولود بچے کے بڑے اور سرخ ہونٹ ہیں۔ بچے آنکھیں نہیں بلکہ سرخ رنگ کے سوراخ ہیں۔نجی کلینک کے ڈاکٹرز نے فوری طور پر بچے کو ڈی ایچ کیو ہسپتال نارووال ریفر کیا ہے جہاں ورثا بچے کو نرسری میں رکھ کر غائب ہو گئے ہیں۔ ہسپتال انتظامیہ کا کہنا ہے کہ اگر بچے کے ورثا نے رابطہ نہ کیا تو پولیس کو اطلاع کردی جائیگی۔
