کراچی (نیوزڈیسک)کراچی سے خیرپور پہنچنے والے باراتیوں کو پولیس اہلکاروں نے لوٹ لیا ۔تفصیلات کے مطابق شاہ حسین تھانے کے اہلکاروں نے کراچی سے بارات کے ہمراہ جانے والی خواتین سے طلائی زیوارت اور مردوں سے نقدی اور قیمتی سامان چھین کر پولیس اہلکار دھمکیاں دیتے ہوئے فرار ہوگئے ۔باراتی پیر کی علی الصبح خیرپور پہنچے تھے ۔باراتیوں میں سول اسپتال کراچی اور مختلف محکموں کے ملازمین اور ان کے اہل خانہ شامل تھے ۔باراتیوں نے پولیس کی لوٹ مار پر شدید احتجاج کرتے ہوئے وزیر اعلیٰ سندھ ،آئی جی سندھ اور دیگر اعلیٰ حکام سے اپیل کی ہے کہ واقعہ میں ملوث پولیس اہلکاروں کو فوری طور گرفتار کیا جائے اور لوٹی ہوئی رقم اور اشیاءمتاثرین کو واپس دلوائی جائیں ۔