شنگھائی (آئی این پی)وزیر خزانہ اسد عمر نے کہا ہے کہ مغربی میڈیا پاک چین تعلقات کو خراب کرنے کیلئے غلط خبریں پھیلا رہا ہے، چین کی طرف سے پیکیج کی باتیں بند کمروں کی ہیں ،وقت سے پہلے اعلان سے ملک کا نقصان دہ ہوسکتاہے ،چین نے بھی پاکستان سے درخواست کی کہ ہر بات منظر عام پر لانا ٹھیک نہیں ، چین سے امدادی پیکیج کی بات ہوئی تاہم ذرائع ابلاغ پرمالیاتی پیکیج سے متعلق اعدادو شمار ابھی مفرضوں پر مبنی ہیں ،
پاک چین دوستی کو مزید فروغ دینا چاہتے ہیں ، اسکے ساتھ ایک دوہفتوں کی نہیں بلکہ آگے کے تعلقات کی بات کررہے ہیں ،چین سے تعلقات قرض یا امداد سے نکال کر تجارت پر لے جانا چاہتے ہیں۔وہ پیر کو نجی ٹی وی سے گفتگو کررہے تھے۔ انہوں نے کہا کہ چین سے امدادی پیکیج کی بات ہوئی ہے۔ مالیاتی پیکیج سے متعلق اعداد شمار ابھی مفرضوں پر مبنی ہیں۔ مغربی میڈیا پاک چین تعلقات سے متعلق غلط خبریں پھیلا رہا ہے۔ وہ دونوں ممالک کے تعلقات خراب کرنے کیلئے غلط خبریں پھیلا رہا ہے۔ صحافی نے ان سوال کیا کیا آپ تردید کررہے ہیں کہ کوئی پیکیج نہیں مل رہا جس کے جواب میں اسد عمر نے کہا کہ یہ بند کمروں کی باتیں ہیں۔ وقت سے پہلے اعلان سے ملک کا نقصان ہوتا ہے۔ چین نے بھی پاکستان سے درخواست کی کہ ہر بات منظر عام پر لانا ٹھیک نہیں ہے۔ مالیاتی پیکج پر ہی نہیں بلکہ طویل المدتی شراکت داری اور سرمایہ کاری پر بات ہورہی ہے۔ چینی قیادت سے ملاقاتیں ہوئیں۔ سب کی سوچ مثبت ہے۔ وزیر خزانہ نے کہا کہ سب کی کوشش ہے کہ پاک چین دوستی کو مزید بڑھایا جائے۔ کسی ایک ملک سے نہیں کئی دوست ممالک سے بات چل رہی ہے۔ چین کے ساتھ ایک دوہفتوں کی نہیں بلکہ آگے کے تعلقات کی بات کررہے ہیں۔چین سے تعلقات قرض یا امداد سے نکال کر تجارت پر لے جانا چاہتے ہیں۔ ابھی چین سے تجارت یکطرفہ ہے۔ وہاں سے ابھی درآمدات ہورہی ہے۔ انہوں نے کہا کہ ہم چاہتے ہیں کہ اقتصادی راہداری کا جو نام لیا گیا وہ واقعی اقتصادی راہداری ہونی چاہیے۔ انڈسٹریلائزیشن ، تجارت اور زراعت کے اوپر ہمارا زور ہے۔
