لاہور(نیوز ڈیسک) مظاہرین کے ہاتھوں لٹنے والے شیخوپورہ کے کم عمرپھل فروش نے کہا ہے کہ میں بس اپنی جان اور گدھے کو بچانا چاہتا تھا،معلوم نہیں لوٹنے والے کون لوگ تھے ۔پیر کو وفاقی وزیر اطلاعات و نشریات چوہدری فواد حسین کی پریس کانفرنس کے دوران مظاہرین کے ہاتھوں لٹنے والے کم عمر پھل فروش نے میڈیا کے سامنے آکر بتایا کہ میں اپنی ریڑھی لے کر جا رہا تھا کہ
وہاں موجود لوگوں نے مجھ سے سارے کیلے چھین لئے۔ میں بس اپنی جان اور گدھے کو بچانا چاہتا تھا، مجھے نہیں معلوم وہ کون لوگ تھے۔جب صحافیوں نے سوال پوچھا کہ آپ کا خرچہ پورا ہو گیا تو فواد چوہدری نے کہا کہ خرچہ کچھ زیادہ ہی پورا ہو گیا ۔ انہوں نے مزید کہا کہ شرپسندوں نے مذہب کا لبادہ اوڑھ رکھا تھا ان کا مذہب سے کوئی تعلق نہیں تھا ،اس سے ان کی اخلاقی حیثیت کا اندازہ لگایا جا سکتا ہے ۔
