اسلام آباد(آن لائن) نیشنل ایکشن پلان کی روح کے مطابق حکومت پاکستان کے مثبت اقدامات کی تعریف جبکہ ملکی و قومی ایشوز پر یک زبان ، یکجان ہونے کے لئے پاکستان مسلم لیگ (ن) نے حکومت و قومی اداروں کیساتھ کھڑا ہونے کا فیصلہ کرلیا ہے ۔ انتہائی مصدقہ ذرائع سے معلوم ہوا ہے کہ
سابق نااہل وزیراعظم میاں محمد نوازشریف نے موجودہ حالات کے پیش نظر اپنی سیاست کا رخ یکسر تبدیل کرتے ہوئے ملک و قوم کی بقاء کے لئے نیشنل ایکشن پلان کی روح کے مطابق غیر جانبدارانہ کارروائیوں کی حمایت کا فیصلہ کیا ہے اس سلسلے میں وہ اپنے بھائی پاکستان مسلم لیگ (ن) کے صدر شہبازشریف کوقائل کرنے کے لئے ان کو پیغام بھی پہنچایا ہے ۔دونوں رہنماؤں نے اس حوالے سے پارٹی کو اعتماد میں لینے کے لئے بھی آئندہ ہفتے رائیونڈ میں اجلاس بلانے پر رضا مندی ظاہر کی ہے۔اس سلسلے میں ذرائع کا کہنا ہے کہ میاں محمد نوازشریف کو پارٹی کے سینئر رہنماؤں نے چند ماہ پہلے ہی مشورہ دیا تھا کہ ملک و قوم کے اہم ایشوز پر پرانی سیاسی عداوتوں کو کنارے کرکے ایک پیج پر کھڑا ہونا چاہیے تاہم اس کے نتیجے میں موجودہ صورتحال میں پاکستان مسلم لیگ (ن) نے فیصلہ کیا ہے مثبت حکومتی اقدامات کی پارلیمنٹ کے اندر اور باہر تعریف کرنے کے ساتھ ان کی نہ صرف حمایت کی جائے گی بلکہ عوامی فورمز پر سراہا بھی جائے گا اور جہاں اپوزیشن کی تنقید کی ضرورت ہوتی تووہاں بے دھڑک انداز میں حکومت کو تنقید کا نشانہ بنایا جائے گا ۔ میاں محمد نوازشریف نے موجودہ حالات کے پیش نظر اپنی سیاست کا رخ یکسر تبدیل کرتے ہوئے ملک و قوم کی بقاء کے لئے نیشنل ایکشن پلان کی روح کے مطابق غیر جانبدارانہ کارروائیوں کی حمایت کا فیصلہ کیا ہے اس سلسلے میں وہ اپنے بھائی پاکستان مسلم لیگ (ن) کے صدر شہبازشریف کوقائل کرنے کے لئے ان کو پیغام بھی پہنچایا ہے ۔
