قلات(نیوزڈیسک)قلات اور ملحقہ علاقوں میں سیکورٹی فورسز اور حساس اداروں کا دوسرے روز بھی آپریشن جاری رہا، کاروائی میں مجموعی طور پر 20دہشت گرد ہلاک کر دئیے گئے .بھاری مقدار میں باروود اور اسلحہ بھی برآمد ہوا سیکورٹی ذرائع کے مطابق قلات کے علاقے جوہان میں سیکورٹی فورسز اور حساس اداروں نے دوسرے روز بھی آپریشن جاری رکھا جس کے دوران ہونے والی کاروائی میں مجموعی طور پر 20دہشتگردوں کو ہلاک کردیا گیا، جن میں کالعدم تنظیم سے تعلق رکھنے والے اہم اراکین بھی شامل ہیں . ملزمان کے 4کیمپس بھی تباہ کردئیے گئے ہیں۔ کارروائی کے دوران سیکورٹی فورسز نے ملزمان کے ٹھکانوں سے بھاری مقدار میں باروود، اسلحہ، لیپ ٹاپ، سیٹلائٹ فونز بھی برآمد کیے۔ سیکورٹی ذرائع کے مطابق ہلاک ہونے والے افراد قلات، خضدار مستونگ، بولان اور کوئٹہ میں ہونے والی کئی وارداتوں میں ملوث تھے۔