اسلام آباد (مانیٹرنگ ڈیسک) تحریک انصاف کی تنظیم نو کرتے ہوئے وسطی پنجاب کی صدارت تبدیل کر دی گئی ہے، ایک نجی ٹی وی چینل کی رپورٹ کے مطابق چیئرمین تحریک انصاف عمران خان کی منظوری سے پارٹی کے نئے عہدیداران کا اعلان کر دیا گیا ہے۔ علیم خان کو پارٹی عہدے سے ہٹا دیا گیا ہے اور ان کی جگہ اب عمر ڈار تحریک انصاف وسطی پنجاب
کے صدر ہوں گے۔ اس کے علاوہ غلام سرور خان کو مغربی پنجاب کا صدر مقرر کر دیا گیا ہے، انجینئر عطا اللہ شادی خیل کو شمالی پنجاب کاصدر مقرر کیا گیا ہے، اعجاز چوہدری کو پاکستان تحریک انصاف کا مرکزی ایڈیشنل سیکرٹری جنرل مقرر کیا گیا ہے، ان نئی تقرریوں کا اعلان مرکزی سیکرٹری جنرل ارشد داد کی جانب سے کیا گیا ہے۔
