اسلام آباد( آن لائن )فلیگ شپ ریفرنس میں نواز شریف کے وکلاء نے وفاقی وزیر اطلاعات فواد چوہدری کے خلاف قانونی کاروائی کا ارادہ ترک کردیا۔وکلاء کا فواد چوہدری کے خلاف درخواست نہ دینے کا فیصلہ توجہ صرف اپنے کیس پر رکھنا چاہتے ہیں ۔ تفصیلات کے مطابق گزشتہ سماعت پر نواز شریف کے وکلاء نے فواد چوہدری کے ٹی وی انٹرویوپر
اعتراض کردیا تھا۔ احتساب عدالت کے جج ارشد ملک کے روبرو نواز شریف کے وکلاء نے دلائل دئیے تھے کہ ان کے بیانات عدالت پر اثر انداز ہورہے ہیں۔ جس پر احتساب جج ارشد ملک نے وکلاء کو ہدایات کی تھیں کہ آپ باقاعدہ درخواست دائر کریں ۔ عدالت اس معاملے کو دیکھے گی ۔ نواز شریف کے وکلا نے فواد چوہدری کے خلاف قانونی کاروائی کا ارادہ ترک کردیا۔
