ممبئی (آئی این پی) بھارت میں معاشی مجبوریوں کے ہاتھوں ستائے خودکشیوں پر مجبور 850 کسانوں کا قرض بالی ووڈ کنگ امیتابھ بچن اتاریں گے۔ بھارتی میڈیا کے مطابق امیتابھ بچن نے ریاست اترپردیش سے تعلق رکھنے والے 850 کسانوں کا قرضہ اتارنے کا اعلان کیا ہے۔بھارت میں کسان معاشی مجبوریوں اور بنکوں وغیرہ سے لیا
گیا اپنا قرضہ بروقت چکانے میں ناکام رہتے ہیں جس کی وجہ سے وہ ذہنی دباو اور نفسیاتی مسائل کا شکار ہو جاتے ہیں، اکثر وہ بینکوں اور ساہوکاروں کے ہاتھوں ذلت برداشت کرنے کی بجائے اپنی زندگیوں ہی کا خاتمہ کر لیتے ہیں۔بھارتی میڈیا کے مطابق امیتابھ بچن نے اپنے بلاگ میں ساڑھے آٹھ سو کسانوں کا ساڑھے پانچ کروڑ کا قرضہ اتارنے کا اعلان کیا ہے۔
