اسلام آباد(نیوز ڈیسک) قومی ایکشن پلان کے تحت موبائل سمز کی بائیو میٹرک تصدیق کروانے کی ڈیڈ لائن ختم ہوگئی ہے اور پاکستان ٹیلی کمیونیکیشن اتھارٹی (پی ٹی اے) نے خبردار کیا ہے کہ اگر اب کوئی غیرتصدیق شدہ سم ممکنہ تخریب کاری میں استعمال ہوئی تو اس کی ذمہ دار اس کی سیلولر کمپنی ہوگی۔خیال رہے کہ وفاقی وزیر داخلہ نے موبائل سمز کی بائیو میٹرک تصدیق کی مدت میں 15 مئی تک کی توسیع کی تھی جو گزشتہ رات ختم ہوگئی ہے۔ مےڈےا رپورٹس کے مطابق پی ٹی اے کا کہنا ہے کہ یہ فیصلہ کرلیا گیا ہے کہ غیر تصدیق شدہ سم دہشت گردی کے کسی واقعے میں استعمال ہوئی تو اس سیلولر کمپنی کے خلاف کارروائی کی جائے گی۔ملک بھر میں اب تک سات کروڑ موبائل سمز کی بائیو میٹرک تصدیق کا عمل مکمل ہوا ہے، جبکہ دو کروڑ غیر رجسٹرڈ سمز کو بلاک کردیا گیاواضح رہے کہ پی ٹی اے نے اس سے قبل موبائل سمز کی تصدیق کے لیے 12 مئی تک کا وقت دیا تھا۔واضح رہے کہ پی ٹی اے حکام نے غیرتصدیق شدہ سمز کی بائیومیٹرک تصدیق کے لیے صارفین کو ایک موقع اور فراہم کرتے ہوئے انہیں مزید مہلت دے دی تھی۔پی ٹی اے نے کہا تھا کہ ایسی تمام سمز جو کہ غیر تصدیق شدہ ہیں بند کردی جائیں گی۔پی ٹی اے کا کہنا تھا کہ بیرون ملک مقیم پاکستانیوں نے مقامی موبائل نمبرجاری رکھنے کی درخواست کی تھی، جس کے باعث مذکورہ فیصلہ کیا گیا تھا۔ادارے کی جانب سے مزید کہا گیا تھا کہ صارفین کو ایس ایم ایس کے ذریعے سمز کی رجسٹریشن کے لیے کہا جائے گا اورصارفین کو چاہیے کہ ایس ایم ایس ملتے ہی سم رجسٹریشن کروالیں۔پی ٹی اے کے مطابق اس وقت تک 7 کروڑ 20 لاکھ سموں کی بائیو میٹرک تصدیق کی جا چکی تھی اور یہ سمز 4 کروڑ 60 لاکھ شناختی کارڈز پر جاری ہوئیں۔یاد رہے کہ موبائل فون سموں کی بائیومیٹرک تصدیق کا عمل جنوری میں قومی ایکشن پلان کے تحت شروع ہوا تھا جس کا پہلا مرحلہ 26 فروری کو مکمل ہوا، جبکہ دوسرا مرحلہ 14 اپریل کو مکمل ہونا تھا تاہم اس کی ڈیڈ لائن میں 15 مئی تک کا اضافہ کیا گیا تھا۔ٹیلی کام آپریٹرز موبی لنک، یوفون، ٹیلی نور، زونگ اور وارد نے حکومتی ہدایت پر تیرہ جنوری کو سموں کی بائیو میٹرک تصدیق کا عمل شروع کیا تھا تاکہ ملک میں دہشت گردی کی روک تھام کو ممکن بنایا جاسکے۔پی ٹی اے کے مطابق ملک میں موبائل فون صارفین کی تعداد چودہ کروڑ تک پہنچ چکی ہے جن میں سے دس فیصد کے پاس پوسٹ پیڈ کنکشنز ہیں جن کے بارے میں حکومت کا خیال ہے کہ ان کی بائیومیٹرک سسٹم کے ذریعے دوبارہ تصدیق کی ضرورت نہیں۔
موبائل سمز کی بائیو میٹرک تصدیق کےلئے ڈیڈ لائن ختم
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































