اسلام آباد (نیوز ڈیسک) معروف صحافی حامد میر دو ماہ قبل جیو نیوز چھوڑ کر جی این این چلے گئے تھے، ان کے جیو نیوز کی کئی سالوں کی رفاقت چھوڑنے پر انتہائی حیرانی کا اظہار کیا گیا تھا لیکن اب انہوں نے دوبارہ جیو نیوز جوائن کر لیا ہے، انہوں نے جی این این جانے کی وجہ بتاتے ہوئے ٹوئٹر پر اپنے پیغام میں کہا کہ اپنے بھائی اور کچھ پرانے دوستوں کے ساتھ جی این این کو لانچ کرنے
کا تجربہ بہت زبردست رہا، انہوں نے کہا کہ میرے بھائی عامر میر صحافت کے لیے قابل فخر ہیں۔ یاد رہے کہ سوشل میڈیا پر حامد کے جیو نیوز چھوڑ جانے پر طرح طرح کے تبصرے سامنے آئے تھے، کسی نے کہا کہ جیو نیوز میں ملازمین کو تنخواہیں نہ ملنے کی وجہ سے وہ چھوڑ کر گئے تو کسی نے سلیم صافی سے اختلافات کا اندیشہ ظاہر کیا لیکن کوئی بھی بات واضح نہ ہو سکی۔
