اسلام آباد( آئی این پی ) سینیٹ میں مسلم لیگ(ن) کے سینیٹر مشاہداللہ خان نے اپنی تقریر کے دوران بولنے پر تحریک انصاف کے سینیٹر فیصل جاوید اور وزیر مملکت برائے ریونیو حماد اظہر پر جملوں کی بو چھاڑ کر دی ، مشاہداللہ خان نے چیئرمین سینیٹ سے فیصل جاوید کے بارے میں کہا کہ ا س بچے کی تھوڑی سی ٹریننگ کریں ، یہ بیچارہ کچھے میں ہے ابھی ،یہاں مشاعرہ ہو گا منشیات نہیں ہو گی ، بے ادب لوگوں کو شاعری کا کیا پتہ ، با ادب با نصیب بے ادب بے نصیب۔بدھ کو سینیٹ میں مسلم لیگ(ن) کے سینیٹر مشاہداللہ خان نے اپنی تقریر

کے دوران بولنے پر چیئرمین سینیٹ سے کہاکہ ا س بچے کی تھوڑی سی ٹریننگ کریں اس کو ٹریننگ سنٹر میں بھیجیں ، یہ بیچارہ کچھے میں ہے ابھی ، مشاہداللہ خان نے وزیر ممکت حماد اظہر کو بھی ٹوک دیا اور کہا کہ یہ دوسرے ایوان کا آدمی ہے یہ صرف اپنی وزارت کی بات کر سکتا ہے ، اس کو رول نہیں پتہ ، یہ چپ کر کے بیٹھے ، ایک موقع پر فیصل جاوید نے کہا کہ یہاں مشاعرہ نہیں ہوگا ، جس پر مشاہداللہ خان نے کہا کہ یہاں مشاعرہ ہو گا منشیات نہیں ہو گی ، بے ادب لوگوں کو شاعری کا کیا پتہ ، با ادب با نصیب بے ادب بے نصیب ۔