اسلام آباد (مانیٹرنگ ڈیسک )وزیراعظم عمران خان کے مشیر انیل مسرت کی چیف جسٹس سے ملاقات، جسٹس ثاقب نثار کو برطانیہ میں ڈیم فنڈ ریزنگ عشائیہ میں شرکت کی دعوت۔ تفصیلات کے مطابق وزیراعظم عمران خان کے دوست اور مشیر انیل مسرت نے چیف جسٹس آف پاکستان جسٹس میاں ثاقب نثار سے ملاقات کی ہے۔ انیل مسرت نے
چیف جسٹس کو برطانیہ میں ڈیم فنڈ ریزنگ کے سلسلہ میں دئیے گئے ایک عشائیہ میں شرکت کی دعوت دی۔ انیل مسرت نے اس موقع پر چیف جسٹس ڈیم فنڈ ریزنگ عشائیہ کے حوالے سے بریف کیا اور ان کی ڈیمز کیلئے کوششوں اور خدمات کو سراہا۔ دوسری جانب انیل مسرت نے صاحبزادہ جہانگیر اور صدر مملکت عارف علوی سے بھی ملاقات کی ہے۔
