یوٹیوب پر ایک ایسی ویڈیو جاری کی گئی جس میں بحرین کی سڑکوں پر صبح سویرے جھاڑو لگاتے اور کچرا اُٹھاتے ہوئے ایک کوریائی باشندہ کو دکھایا گیا۔ بظاہر اس ویڈیو میں کوئی خاص بات نظر نہیں آئی، لیکن جب اس شخص کے بارے میں جس کا نام ’یو‘ ہے، معلومات فراہم کی گئیں تو سب حیران رہ گئے۔ بحرین میں کچرا اُٹھانے والا یہ شخص کوئی معمولی غریب انسان نہیں ہے بلکہ جنوبی کوریا کا ایک کروڑپتی شخص ہے۔ بحرین میں وہ کوئی بلدیہ کا ملازم بھی نہیں ہے بلکہ خود اپنا کاروبار چلاتا ہے۔ خاص بات یہ ہے کہ ’یو‘ کو صفائی سے بہت دِلچسپی ہے۔ وہ صبح سویرے بیدار ہوتا ہے اور یوں صبح سڑکوں پر گھومنے نکل جاتا ہے۔