راولپنڈی(شوبز ڈیسک) ماڈل گرل ایان علی کے کسٹم عدالت نے کرنسی سمگلنگ کیس میں ناقابل ضمانت وارنٹ گرفتاری جاری کردیے ہیں۔ہفتہ کو راولپنڈی کی کسٹم عدالت کے جج ارشد بھٹہ نے ماڈل ایان علی کے خلاف کرنسی سمگلنگ کیس کی سماعت کی، تاہم ہر بار کی طرح ماڈل ایان علی ہفتہ کو بھی عدالت میں پیش نہ ہوئیں۔دوران
سماعت کسٹم پراسیکیوٹر امین فیروز نے عدالت سے درخواست کی کہ ملزمہ ڈیڑھ سال سے غیر حاضر ہے اور 50 سماعتوں پر بھی پیش نہیں ہوئی۔عدالت نے ملزمہ کے وکیل کی مقدمہ کی سماعت ملتوی کرنے کی استدعا مسترد کرتے ہوئے ایان علی کے ناقابل ضمانت وارنٹ گرفتاری جاری کردئیے۔ کسٹم عدالت نے حکم دیا کہ ملزمہ ایان علی کو گرفتار کرکے 22 اکتوبر کو پیش کیا جائے۔
