اسلام آباد(نیوزڈیسک)پاکستان تحریک انصاف کی سیکرٹری اطلاعات شیریں مزاری نے کہا ہے کہ پاک چین اقتصادی راہداری منصوبہ چین کے لئے سٹریٹجیک منصوبے کی حثیت رکھتاہے کیونکہ پاکستان اس راہداری اور اس سے وابستہ منصوبوں کے پورے خطہ پر ممکنہ اثرات کے جائزہ کے بغیر ہی اس منصوبے کے ملکی معیشت پر (Macro Economic)اثرات کے مطالعے تک محدود رہتے ہوئے اس کی حقیقی اہمیت کا ادراک نہیں کیا جا رہا اور خاص طور پر جس پہلو کو نظر اندازکیا جا رہا ہے وہ یہ ہے کہ ملک کے پسماندہ علاقوں میں بسنے والے عوام اس راہداری منصوبے سے کیسے مستفید ہوں گے اور کیسے بلوچستان اور خیبرپختونخواہ کے عوام میں محرومی کے جذبات کو کم کرنے میں مدد ملے گی۔پاک چین اقتصادی راہداری (PCEC)منصوبے کے ذریعے جہاں پاکستان کو چین کے طویل المدتی سٹریٹجک شراکت کار کا مقام میسر آئے گا اور مغربی حصوں تک چین کی رسائی ممکن ہو سکے گی وہاں اسے شمال میں چین، افغانستان اور وسط ایشیائی ممالک تک کا رستہ میسر آئے گا۔چنانچہ تحریک انصاف یہ سمجھتی ہے کہ اس منصوبے کو دو سطحوں پر جانچنے کی ضرورت ہے۔ اول۔ راہداری کاحقیقی نقشہ کیا ہے اور یہ پاکستان کے کن علاقوں سے ہو کر گزرے گی۔ دوم۔ اور اس منصوبے کے بڑے پیمانے پر کیا سٹریٹجک اثرات ہوں گے۔ اس کے ساتھ پاکستان میں اس راہداری سے متعلق چند اور پہلو بھی ہیں جن کی وضاحت ناگزیر ہے، اور ہم حکومت سے مطالبہ کرتے ہیں کہ وہ۔1۔ راہداری کے حقیقی نقشے کی وضاحت کرے اور اس سے جڑے ایک ایک راستے کی تعمیر و ترقی کی تمام تر تفصیلات بشمول مدت تکمیل قوم کے سامنے رکھے۔ 2۔ اس راہداری سے وابستہ منصوبوں کی تفصیلات اور ان کی صوبہ وار تقسیم سے آگاہ کرے۔ 3۔ ان منصوبوں میں کی جانے والی سرمایہ کاری، اس کے ذرائع، اس کی نوعیت اورشرائط سمیت دیگر تفصیلات بتائے۔ تحریک انصاف یہ سمجھتی ہے کہ اس منصوبے کی نگرانی کیلئے کل جماعتی کمیٹی جس میں تمام صوبوں کو نمائندگی دی گئی ہے کے قیام سے منصوبے کے حوالے سے شکوک و شبہات کم کرنے میں مدد ملے گی اور منصوبے کی سبک روی اور شفاف انداز میں تکمیل کے اس کے آغاز سے اختتام تک فریقوں کو مناسب کردار ملے گا۔ اس کمیٹی کے قیام سے پاک چین اقتصادی راہداری منصوبے کو صحیح معنوں میں قومی تعارف میسر آئے گا اور اسے محض کسی ایک سیاسی جماعت کے منصوبے کی بجائے مجموعی نظر سے دیکھنا ممکن ہو سکے گا کیونکہ حقیقتاً اس منصوبے سے پوری قوم کا مفاد وابستہ ہے۔
پاک چین راہداری کی تفصیلات قوم کے سامنے لائی جائیں ،شیریں مزاری
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































