اسلام آباد(نیوزڈیسک) ایشیائی ترقیاتی بنک کے نائب صدر نے اسلام آباد میں وزیر اعظم نواز شریف سے ملاقات کی۔ وزیراعظم نے ملک کی اقتصادی صورتحال میں بہتری کے حوالے سے کہا کہ چینی صدر کے دورے سے ملک میں ترقی کے ایک نئے دور کا آغاز ہوا ہے۔ Wenca Zhang نے وزیراعظم کو پاکستان کے لئے ایشیائی ترقیاتی بنک کے آئندہ پانچ سال کے منصوبوں اور حکمت عملی کے بارے میں بتایا۔ ان کا کہنا تھا کہ ایشیائی ترقیاتی بنک پاکستان مسلم لیگ ن کے ویڑن دو ہزار پچیس کی حمایت کرتا ہے اور وہ توانائی ،اربن ٹرانسپورٹ، ٹھوس فضلے کو ٹھکانے لگانے کے نظام ، نکاسی آب ، آبپاشی ، صفائی ستھرائی ، زراعت اور دیہی ترقی ، لوگوں کی استعداد کار بڑھانے ، بنیادی ڈھانچے کی ترقی اور ناگہانی آفات سے نمٹنے سمیت اہم شعبوں میں پاکستان سے تعاون جاری رکھے گا۔ انہوں نے وزیراعظم کو اقتصادی اشاریوں میں بہتری پر مبارکباد دی جس کی بدولت گزشتہ دو سال کے دوران معیشت مستحکم ہوئی ہے۔ وزیراعظم نے پاکستان سے تعاون اور امداد فراہم کرنے پر ایشیائی ترقیاتی بنک کا شکریہ ادا کیا