لاہور (شوبز ڈیسک) اداکارہ ستارہ بیگ علیل ہو گئیں ، گردے میں چار پتھریاں،ڈاکٹروں نے فوری آپریشن تجویز کر دیا۔بتایا گیا ہے کہ ستارہ بیگ گردوں میں شدید تکلیف کے باعث شالیمار ہسپتال کی ایمرجنسی میں زیر علاج رہیں جہاں ان کے مکمل ٹیسٹ کئے تو پتہ چلا کہ ان کے
گردے میں چار پتھریاں ہیں جس کی وجہ سے گردے سوزش کا شکار ہیں۔ڈاکٹروں نے فوری آپریشن تجویز کیا ہے۔ اداکارہ کا کہنا ہے کہ زندگی میں بڑی تکلیفیں برداشت کیں لیکن گردے کی تکلیف ناقابل برداشت ہے۔انہوں نے اپنے پرستاروں سے مکمل صحت یابی کیلئے دعا کی اپیل کی ہے۔
