چیچہ وطنی (نیوزڈیسک) الیکشن ٹربیونل سے نااہل قرار پانیوالے پی ٹی آئی کے ایم این اے رائے حسن نواز خان نے اپنی نااہلی کیخلاف سپریم کورٹ سے رجوع کرنے کا فیصلہ کرلیا ،پی ٹی آئی وسطی پنجاب کے صدر رائے حسن نواز خان نے سعودی عرب سے جاری ایک بیان میں کہا کہ وہ قانون کی بالادستی پر یقین رکھتے ہیں اور اپنی نااہلی کیخلاف وطن واپس پہنچ کر سپریم کورٹ سے رجوع کرینگے،انکا کہنا تھا کہ بعض شکست خوردہ مخالفین حلقے میں بے بنیاد افواہیں پھیلا رہے ہیں جنکی عارضی خوشی جلد ہی مستقل پریشانی میں بدل جائیگی،حلقہ کے عوام انکے ساتھ ہیں اور وہ پی ٹی آئی کے پلیٹ فارم سے لوگوں کی خدمت جاری رکھیں گے،رائے حسن نواز خان نے مزید کہا کہ الیکشن ٹربیونل کا تفصیلی فیصلہ جاری ہونے کے بعد انکے وکلا سپریم کورٹ میں اپیل دائر کرینگے۔