اسلام آباد(مانیٹرنگ ڈیسک)بیگم کلثوم نواز کی نماز جنازہ کیلئے صف بندی، کارکنوں اور عام عوام کی کثیر تعداد شریف میڈیکل سٹی کے سبزہ زار میں پہنچ گئی، تحریک انصاف کے نماز جنازہ میں شرکت کیلئے آنیوالے تحریک انصاف کے وفد کو دھکے پڑ گئے۔ تفصیلات کے مطابق بیگم کلثوم نواز کی نماز جنازہ کیلئے رائیونڈ میں شریف میڈیکل سٹی کے سبزہ زار میں ادا کی جائیگی جس میں اہم سیاسی شخصیات شرکت کیلئے پہنچ چکی ہیں جبکہ
مختلف سیاسی جماعتوں کے وفود بھی نماز جنازہ کیلئے پہنچ گئے ہیں۔ ایسے میں مسلم لیگ ن کے کارکنان اور عام عوام کی بھی کثیر تعداد انتظامیہ اور پولیس کی جانب سے کھڑی رکاوٹوں کو عبور کرتے ہوئے شریف میڈیکل سٹی کے سبزہ زار میں پہنچ گئی ہے۔ ایسے میں شدید رش کی وجہ سے گورنر پنجاب چوہدری سرور کی قیادت میں تحریک انصاف کے وفد کو جنازہ گاہ پہنچنے پر دھکے پڑ گئے اور وہ بڑی مشکل سے اگلی صفوں تک پہنچے۔
